ખેતરમાં તળાવ ખોદીને શરૂ કરી મોતીની ખેતી, આજે લાખો રૂપિયા કમાઈ છે આ ખેડૂત

Story

ઉત્તર પ્રદેશના ફતેહપુરમાં હસનપુર અકોળીયા નામનું ગામ છે. અહીં રહેતો ખેડૂત તેના વિસ્તારમાં મોતીની ખેતી માટે પ્રખ્યાત છે. થોડા સમય પહેલા, કાનપુરની કૃષિ યુનિવર્સિટીની એક ટીમ આકોડિયાના હસનપુર પહોંચી હતી અનેઆ ખેડૂતની પ્રશંસા કરી હતી અને તેને તમામ શક્ય મદદનું વચન આપ્યુ હતું.

પોતાના ખેતરમાં નાનું તળાવ ખોદીને મોતીની ખેતી કરનારા આ ખેડૂતનું નામ રમેશ સિંહ છે. રમેશ પાસે ફ્લોરીકલ્ચર સાથે ડાંગરની 140 જાતોનું ઉત્પાદન કરવાનો રેકોર્ડ છે. પ્રાપ્ત માહિતી અનુસાર આશરે 18-19 મહિના પહેલા રમેશે પોતાના ખેતરમાં એક નાનું તળાવ ખોદીને તેમાં પાણી ભરી દીધું હતું અને મોતીના બીજને છીપમાં રાખીને પાણીમાં લટકાવ્યા હતા

એમય જતા મહેનતનું ફળ મળ્યું અને રમેશને આશરે 200 મોતી મળ્યા. જેને જોઈને તેને પ્રોત્સાહન મળ્યું અને તેણે તેને આગળ ચાલુ રાખવાનું નક્કી કર્યું. હવે લગભગ 10 હજાર છીપમાં બીજ મૂક્યા. હાલ રમેશને 40 થી 50 લાખ રૂપિયાના મોતીનું ઉત્પાદન થવાની અપેક્ષા છે. તમને જણાવી દઈએ કે બજારમાં કૃત્રિમ મોતીની ઘણી માંગ છે.

સેન્ટ્રલ ઇન્સ્ટિટ્યૂટ ઓફ ફ્રેશવોટર એક્વાકલ્ચર (CIFA) ના નિષ્ણાત તરીકે કામ કરતા સૌરભ શૈલેષ કહે છે કે ઘરેલું અને આંતરરાષ્ટ્રીય બજારોમાં મોતીની માંગ વધારે છે. સારી વાત એ છે કે તેનું ઉત્પાદન દેશના કોઈપણ ભાગમાં કરી શકાય છે. આ માટે માત્ર એક નાનું તળાવ અને તાજા પાણીની જરૂર છે. સૌરભના મતે મોતીની ખેતી થોડી વૈજ્ઞાનિક ખેતી છે. તેથી જ તેને શરૂ કરતા પહેલા તાલીમ જરૂરી છે.

આ તાલીમ CIFA દ્વારા સમયાંતરે હાથ ધરવામાં આવે છે, જે લોકો માટે મદદરૂપ સાબિત થઈ રહી છે. ખાસ વાત એ છે કે મોતીની ખેતીની તાલીમ મફતમાં આપવામાં આવે છે. ઓરિસ્સાની રાજધાની ભુવનેશ્વરમાં CIFA ના મુખ્યાલયમાંથી 15 દિવસની તાલીમ લઈ શકાય છે. મોતીની ખેતી વિશે વધુ માહિતી માટે સંબંધિત લોકો દ્વારા CIFA ની સત્તાવાર વેબસાઇટની મુલાકાત લઈને સંપર્ક કરી શકાય છે.

Leave a Reply

Your email address will not be published.