ખોદકામ દરમિયાન મળ્યો 13 સદીમાં બનાવાયેલો અંગ્રેજ સિક્કો, સાડા છ કરોડમાં વેચીને બની ગયો કરોડપતિ

World

એક મેટલ ડિટેક્ટરને ઈંગ્લેન્ડનો પ્રથમ સોનાનો સિક્કો મળ્યો છે. એક અહેવાલ મુજબ આ સિક્કો સદા છ લાખ પાઉન્ડ એટલે કે લગભગ 6.5 કરોડમાં વેચાયો છે. સપ્ટેમ્બર 2021 માં માઈકલ લેઈ મેલોરીએ હેમિયોક ડેવોનમાં ખોદકામ દરમિયાન આ સિક્કો શોધી કાઢ્યો હતો. ખાસ વાત એ છે કે માઈકલે લગભગ એક દાયકા પહેલા મેટલ ડિટેક્ટરની નોકરી છોડી દીધી હતી.

સિક્કા પર કિંગ હેનરી ત્રીજાને બનાવવામાં આવ્યા છે. મીડિયા રિપોર્ટ્સ અનુસાર આ સિક્કો ઉત્તર આફ્રિકાના સોનામાંથી બનાવવામાં આવ્યો હશે. આ પ્રકારના માત્ર આઠ અન્ય સિક્કા છે અને તે બધા સંગ્રહાલયોમાં સચવાયેલા છે. 260 વર્ષમાં પ્રથમ વખત આવો સિક્કો મળી આવ્યો છે. જે ખુબ જ ખાસ છે.

માઈકલને પણ ખબર ન હતી કે તેણે શું શોધ્યું છે. તેણે ફેસબુક પર સિક્કા વિશે પોસ્ટ કરી. ત્યારે લંડન સ્થિત સ્પિંક ઓક્શનિયર્સના નિષ્ણાતે આ પોસ્ટ જોઈ અને પછી દુનિયાને આ અનોખી શોધ વિશે જાણ થઈ. સિક્કાનો વ્યાસ 21 મીમી છે. આ સિક્કા પર રાજા હેનરી ત્રીજાનું ચિત્ર એક બાજુ કોતરવામાં આવ્યું છે અને બીજી બાજુ લાંબો ક્રોસ અને ફૂલો બનાવવામાં આવ્યા છે.

સ્પિંક એન્ડ સન નિષ્ણાત ગ્રેગરી એડમન્ડે જણાવ્યું હતું કે, આ સિક્કો બ્રિટિશ ઇતિહાસનો સૌથી મૂલ્યવાન સિક્કો જ નથી પણ હરાજીમાં વેચાયેલો સૌથી મોંઘો સિક્કો પણ છે. ઇંગ્લેન્ડના એક ખાનગી ખરીદદારે હરાજીમાં આ સિક્કો ખરીદ્યો હતો. ખરીદનારે તેની ઓળખ ગુપ્ત રાખી છે. માઇકલે કહ્યું છે કે તે હરાજીના પૈસા અડધા અડધા તે વ્યક્તિ સાથે વહેંચશે જેની જમીન પરથી આ સિક્કો મળ્યો છે.

માઇકલે કહ્યું કે તેને આ સિક્કો ખૂબ જ સરળતાથી મળી ગયો. શોધમાં વધારે મહેનત ન પડી. હેનરી ત્રીજો 1216 થી 1272 સુધી ઈંગ્લેન્ડનો રાજા હતો. 1240 અને 1250 ના દાયકામાં તેણે તમામ ચૂકવણી સોનાના સિક્કામાં કરવાની સૂચના આપી હતી. હેનરી ત્રીજાના મૃત્યુ પછી તેમના દ્વારા બનાવવામાં આવેલા સિક્કાઓ ઓગળી ગયા હતા.

Leave a Reply

Your email address will not be published.