સરકારે જેને પદ્મ શ્રી આપ્યો એ દાદા શિવાનંદ કોણ છે, 126 વર્ષના આ બાબાના ભક્તો મોટા મોટા રાજકારણીઓ છે

India

મંગળવારે ભારત સરકારે 73 મા પ્રજાસત્તાક દિવસના અવસર પર વર્ષ 2022 ના પદ્મ પુરસ્કારોની જાહેરાત કરી. આ વર્ષે 128 હસ્તીઓને પદ્મ પુરસ્કાર આપવામાં આવશે જેમાં 4 પદ્મ વિભૂષણ, 17 પદ્મ ભૂષણ અને 107 પદ્મ શ્રીનો સમાવેશ થાય છે. ઉત્તર પ્રદેશના વારાણસીના શિવાનંદ બાબાને યોગ માટે પદ્મશ્રીથી સન્માનિત કરવામાં આવશે.

આજના યુગમાં વ્યક્તિની સરેરાશ ઉંમર માત્ર 60 થી 70 વર્ષ છે. પરંતુ પ્રકાશિત થયેલા એક લેખ અનુસાર શિવાનંદ બાબાની ઉંમર 126 વર્ષ છે અને તેઓ સંપૂર્ણ સ્વસ્થ છે. પાસપોર્ટમાં તેમની જન્મ તારીખ 8 ઓગસ્ટ, 1896 નોંધવામાં આવી છે. આ બાબતે તેઓ વિશ્વના સૌથી વૃદ્ધ વ્યક્તિ છે. જોકે તેનું નામ ગિનીસ બુક ઓફ વર્લ્ડ રેકોર્ડમાં નોંધાયેલું નથી.

બિમારીઓના આ યુગમાં શિવાનંદ બાબાના લાંબા અને સ્વસ્થ જીવનનું રહસ્ય શું છે. આ સવાલ તો બધાને થાય છે. યોગ સાધક શિવાનંદ બાબા ભાગ્યે જ તેમના પાછલા જીવન વિશે વાત કરે છે. એક અહેવાલ મુજબ તે દરરોજ સવારે ત્રણ વાગ્યે ઉઠે છે. આ પછી તેઓ એક કલાક યોગાભ્યાસ કરે છે. ભગવદ ગીતા અને દેવી ચંડીનો પાઠ કરે છે. શિવાનંદ બાબા માત્ર બાફેલ અને સંતુલિત આહાર લે છે. આ સાથે તેઓ ભોજન ઓછામાં ઓછું અને માત્ર સિંધવ મીઠાવાળું લે છે.

એક અહેવાલ મુજબ શિવાનંદ બાબા દૂધ, ખાંડ અને તેલનું સેવન પણ કરતા નથી. આ સિવાય બાબા માત્ર આયુર્વેદિક દવાઓ જ લે છે. આશ્રમમાં બાબાને મળવા આવનાર લોકો માટે પણ કેટલાક નિયમો છે. બાબાના આશ્રમમાં આવનાર લોકોને ખાલી હાથે જાય છે પરંતુ તેઓ કંઈપણ ખાધા વગર પાછા નથી આવી શકતા. બાબા પોતે દર્શનાર્થીઓને પોતાના હાથે ભોજન કરાવે છે.

બાબાના અનુયાયીઓ દુનિયાભરમાં ફેલાયેલા છે. પૂર્વ રાષ્ટ્રપતિ પ્રણવ મુખર્જી, મુખ્યમંત્રી મમતા બેનર્જી, અભિનેત્રી શિલ્પા શેટ્ટી તેમના અનુયાયીઓ છે. શિલ્પા શેટ્ટીએ શિવાનંદ બાબાનો એક વીડિયો શેર કર્યો અને કહ્યું કે, બાબાએ શિલ્પાને યોગાભ્યાસ શરૂ કરવા માટે પ્રેરિત કર્યા. શિવાનંદ બાબાએ પદ્મશ્રી મળવા પર ખુશી વ્યક્ત કરી છે અને ભારત સરકારનો આભાર માન્યો છે. આ સાથે તેમણે દરેકને યોગ અપનાવવાનો સંદેશ પણ આપ્યો હતો.

Leave a Reply

Your email address will not be published.