આજના સમયમાં લોકોને રેપ સોંગ ખુબ જ પસંદ હોય છે. પરંતુ ગૃહમંત્રી હર્ષ સંઘવીના પુત્રએ જે રેપ સોંગ ગાયું છે તે સાંભળીને તમે સ્તબ્ધ થઈ જશો. હર્ષ સંઘવીએ હાલ પોતાના દીકરા આરુષનો એક વિડીયો સોશિયલ મીડિયા પર પોસ્ટ કર્યો છે. જેમાં આરુષ રેપ સોંગ ગાતો દેખાય આવે છે. આરૂષ પોતાની સ્કૂલમાં ગુજરાતી ભાષામાં રેપ સોંગ ગાઈ રહ્યો છે.
Can't be more proud..
My Son Aarush’s rap is true in every way.
ગુજરાતી છું .. ગુજરાતી રહીશ pic.twitter.com/9fQtaDTSxT— Harsh Sanghavi (@sanghaviharsh) March 16, 2022
વીડિયોમાં સ્પષ્ટ દેખાઈ આવે છે કે આરુષના હાથમાં માઇક છે અને તે રેપ સોંગ ગાઈ રહ્યો છે. લોકો આરુષના આ સોંગની ખૂબ ચર્ચા કરી રહ્યા છે. ઉપરાંત આ વીડિયોએ સોશિયલ મીડિયામાં ધૂમ મચાવી છે. આરુષ ગાઈ રહ્યો છે કે, લંડન જઈશ, અમેરિકા જઈશ, દુનિયાભરની સારી હોટેલમાં રહીશ. બધા હેલો હેલો કરશે, હું કેમ છો કહીશ, ગુજરાતી છું ગુજરાતી રહીશ.
વીડિયોમાં દેખાય આવે છે કે આરુષની આસપાસ શાળાના બાળકો પણ બેઠા છે. આરુષના આ રેપ સોંગના લોકો ખૂબ વખાણ કરી રહ્યા છે. ત્યારે ગૃષમંત્રી હર્ષ સંઘવીએ વીડિયોને ટ્વીટ કરીને લખ્યું છે કે આનાથી વધારે ગર્વ હું ન અનુભવી શકું. મારા દીકરાનું રેપ સોંગ દરેક રીતે સાચું છે. ગુજરાતી છું ગુજરાતી રહીશ. હું ખુબ જ ગર્વ અનુભવું છું.
