આગામી 48 કલાક દરમિયાન વાતાવરણમાં થશે આ મોટો ફેરફાર, ઘર બહાર નીકળતા પહેલા હવામાન વિભાગની આ આગાહી જાણી લેજો

Weather

ઉનાળાની શરૂઆત થતાં જ ગરમીનું પ્રમાણ વધી રહ્યું છે. દિવસેને દિવસે ગરમીનો પારો વધતો જાય છે. ત્યારે હવામાન વિભાગ દ્વારા સૌરાષ્ટ્ર, કચ્છ અને ગુજરાતના અન્ય કેટલાક વિસ્તારોમાં યેલો એલર્ટ આપવામાં આવ્યું છે. ઉપરાંત ગરમીમાં લોકોને કામ વગર બહાર ન નીકળવા માટેની સલાહ આપવામાં આવી છે.

હવામાન વિભાગના જણાવ્યા અનુસાર ગુજરાતના અમદાવાદ, રાજકોટ, જૂનાગઢ, ભાવનગર, પાટણ, મહેસાણા અને સાબરકાંઠા વિસ્તારમાં રહેતા લોકોએ હિટવેવના પગલે સાવચેતી રાખવી પડશે. આ તમામ વિસ્તારોમાં હવામાન વિભાગ દ્વારા ગરમીનું યેલો એલર્ટ જારી કરવામાં આવ્યું છે. જેના પગલે વૃદ્ધો અને નવજાત શિશુનું વિશેષ ધ્યાન રાખવા અંગે જણાવવામાં આવ્યું છે.

સમાન્ય રીતે ઉનાળાની શરૂઆતમાં 30 ડિગ્રી જેટલું તાપમાન હોય છે. ત્યારે આ વર્ષે તાપમાનનો પારો માર્ચ પહેલા 40 ડીગ્રીએ પહોંચી ગયો છે. ગરમીએ છેલ્લા દસ વર્ષનો રેકોર્ડ તોડયો છે. ત્યારે હવામાન વિભાગ દ્વારા ખાસ સૂચનાઓ આપવામાં આવી છે. જો જરૂરી કામ ન હોય તો ઘરની બહાર નીકળવું નહિ. તરસ ના લાગે તો પણ વારંવાર પાણી પીવા માટેની સલાહ આપવામાં આવી રહી છે.

આ વર્ષે ગરમીનો પારો 25 માર્ચ પહેલા જ 41 ડીગ્રીએ પહોંચી ગયો છે. હવામાન શાસ્ત્રી અંકિતના જણાવ્યા અનુસાર દરિયાની સપાટીથી દોઢ કિલોમીટરના અંતરે સાયક્લોનિક સર્લ્યુલેશન સર્જાઈ રહ્યું છે. જેના ભાગ રૂપે હિટવેવમાં અસામાન્ય વધારો જોવા મળ્યો છે. જેથી આગામી 48 કલાક સુધી ગુજરાતના કેટલાક વિસ્તારોમાં ગરમીનું યેલો એલર્ટ આપવામાં આવ્યું છે.

Leave a Reply

Your email address will not be published.