વાવાઝોડા અસનીના સંકટને પગલે હવામાન વિભાગનું એલર્ટ, માછીમારોને દરિયામાં ન જવા આદેશ આર્મી અને કોસ્ટ ગાર્ડને તૈનાત કરાયા

Weather

છેલ્લા કેટલાક દિવસોથી બંગાળાની ખાડીમાં સર્જાયેલું લો પ્રેશર આજે પ્રબળ થવાની અને ચક્રવાતી તોફાનમાં પ્રવર્તે તેવી શક્યતા છે. હાલ તોફાન અસનીના આગમનની પૂરેપૂરી શક્યતા છે. જાનમાલના નુકસાનને જોતા સેનાને પણ એલર્ટ પર રાખવામાં આવી છે. અંદમાન અને નિકોબાર દ્વીપસમૂહના માછીમારોને દરિયામાં જવાની પણ મનાઈ કરવામાં આવી છે.

અંદમાન પ્રશાસને નીચાણવાળા વિસ્તારોમાંથી સ્થાનિક લોકોને બહાર કાઢવાનું શરૂ કરી દીધું છે. કારણ કે અહીં ભારે વરસાદની સંભાવના છે. સેનાના જવાનોને એલર્ટ પર રાખવામાં આવ્યા છે. વાવાઝોડાની સ્થિતિને ધ્યાનમાં રાખીને અંદમાન અને નિકોબાર પ્રશાસને 21 માર્ચ એટલે કે આજથી સાવચેતી તરીકે કેન્દ્રશાસિત પ્રદેશમાં તમામ શાળાઓ અને કોલેજો બંધ કરી દીધી છે. બપોરથી ટાપુઓના કેટલાક ભાગોમાં ભારે વરસાદ પણ શરૂ થયો છે.

ભારતીય હવામાન વિભાગના જણાવ્યા અનુસાર આ નીચા દબાણનો વિસ્તાર દક્ષિણ બંગાળથી અંદમાન અને નિકોબાર ટાપુઓ સુધી પહોંચી ગયો છે. તે અંદમાન અને નિકોબારમાંથી પસાર થઈને મ્યાનમાર અને બાંગ્લાદેશ તરફ વળશે. હવામાન વિભાગના જણાવ્યા અનુસાર પહેલા તોફાની પવન સાથે વાવાઝોડું આવશે અને તે મજબૂત બનીને ચક્રવાતી તોફાનમાં ફેરવાઈ જશે.

હવામાન વિભાગના જણાવ્યા અનુસાર અંદમાન અને નિકોબાર ટાપુઓમાં સોમવારે ભારે પવન સાથે ભારે વરસાદ થવાની સંભાવના છે. કારણ કે બંગાળની ખાડી પરનું દબાણ ઉત્તર તરફ આગળ વધી રહ્યું છે. અત્યારે તે ડિપ્રેશન છે જે સોમવારની સવાર સુધીમાં ડીપ ડિપ્રેશનમાં વધુ તીવ્ર બનશે અને સોમવારે સાંજ સુધીમાં ચક્રવાતી તોફાનમાં વધુ તીવ્ર બનશે. જો તે ચક્રવાતી તોફાનમાં ઉભરી આવશે તો તેને ચક્રવાત અસની તરીકે ઓળખવામાં આવશે.

વાવાઝોડાને ધ્યાનમાં રાખીને માછીમારી, પર્યટન અને શિપિંગ પ્રવૃત્તિઓ અટકાવી દેવામાં આવી છે. માછીમારોને હજુ થોડા દિવસો સુધી દરિયામાં ન જવાની સલાહ આપવામાં આવી છે. તોળાઈ રહેલા ચક્રવાતને ધ્યાનમાં રાખીને આર્મી, નેવી, એરફોર્સ અને કોસ્ટ ગાર્ડને પણ એલર્ટ કરી દેવામાં આવ્યા છે.

Leave a Reply

Your email address will not be published.