નર્મદા નદી પર બનશે ગુજરાતનો સૌથી લાંબો રેલવે બ્રિજ, ગુજરાતના નામે બનશે વધુ એક રેકોર્ડ

Gujarat

માલસામાન ટ્રેનોની વધતી માંગને ધ્યાનમાં રાખીને ભારતીય રેલ્વેએ માલસામાન ટ્રેન માટે એક અલગ લાઇન નાખવાનો નિર્ણય કર્યો છે. આ લાઈન મુંબઈને ઉત્તર પ્રદેશ સાથે જોડશે. દરમિયાન ગુજરાતના ભરૂચ નજીક નર્મદા નદી પર દેશનો સૌથી લાંબો રેલવે બ્રિજ બનાવવામાં આવી રહ્યો છે. જેનું કામ અંતિમ તબક્કામાં છે. આ પુલની લંબાઈ 1396.35 મીટર છે.

આ લાઈન મુંબઈને યુપી સાથે જોડશે. રેલ્વે મંત્રાલય દ્વારા મુંબઈ જેએનપીટી (જવાહરલાલ નહેરુ પોર્ટ) થી ઉત્તર પ્રદેશના દાદરી સુધી માલસામાન ટ્રેન માટે એક અલગ લાઈન નાખવામાં આવી રહી છે. જેને   વેસ્ટર્ન ડેડિકેટેડ ફ્રેઈટ કોરિડોર નામ આપવામાં આવ્યું છે. જે 1504 કિમીની હશે. ગુજરાતમાં પાલનપુર સુધી લાઇન શરૂ થઇ છે અને આગામી થોડા મહિનામાં વડોદરા સુધી લાઇન શરૂ થશે. આ કોરિડોર માટે ભરૂચ નજીક નર્મદા નદી પર રેલવે બ્રિજ બનાવવામાં આવી રહ્યો છે. એવું માનવામાં આવે છે કે આ દેશનો સૌથી લાંબો બ્રિજ હશે. જેના પર ડબલ ડેકર ગુડ્સ ટ્રેનો દોડશે.

નર્મદા નદી પર બની રહેલ પુલ 1396.35 મીટર એટલે કે લગભગ દોઢ કિલોમીટરનો છે. આ દેશનો સૌથી લાંબો પુલ હોઈ શકે છે. આ બ્રિજમાં કુલ 29 સ્પાન છે અને થોડા દિવસો પહેલા તેના પર છેલ્લું ગર્ડર લગાવવામાં આવ્યું હતું. આ બ્રિજ L&T કંપની દ્વારા બનાવવામાં આવી રહ્યો છે. આમાંથી 15000 ટનની ક્ષમતા સાથે ગુડ્સ ટ્રેન દોડશે. જેની સ્પીડ લગભગ 100 થી 120 કિમી હશે.

ડેડિકેટેડ ફ્રોઈડ કોરિડોરના અધિકારીએ શું કહ્યુ. રેલવેના વેસ્ટર્ન ડેડિકેટેડ ફ્રીડ કોરિડોરના અધિકારી જિતેન્દ્ર અગ્રવાલે જણાવ્યું હતું કે આ ટ્રેકને એક વર્ષમાં પૂર્ણ કરવાના પ્રયાસો કરવામાં આવી રહ્યા છે. આ વર્ષના અંત સુધીમાં ગુડ્સ ટ્રેનો વડોદરા સુધી દોડવાનું શરૂ થશે. આ ટ્રેકના નિર્માણથી પેસેન્જર ટ્રેનને પણ અલગ ટ્રેક મળશે અને માલસામાનની અવરજવર પણ સરળ બનશે.

Leave a Reply

Your email address will not be published.