દિલ્હીને ટક્કર મારે તેવી સરકારી સ્કૂલ અમરેલીમાં બની, ડિજિટલ બોર્ડ અને લેબ તથા લાઈબ્રેરી જોઈને ચોંકી જશો

Gujarat

રાજ્યભરમાં ઘણી બધી સરકારી શાળાઓ છે. જેમાંથી હાલ અમરેલીમાં બનેલી સરકારી શાળાની ખુબ ચર્ચાઓ થઇ રહી છે. આ શાળા અમરેલીના જાળિયામાં છે. જ્યાં શિક્ષકો દ્વારા આવકનો સ્ત્રોત ઉભો કરીને આજની દુનિયા સાથે કદમ મિલાવવા માટે શાળાને સ્માર્ટ શાળા બનાવવામાં આવી છે. અમરેલીની આ સરકારી શાળા દિલ્હીની સ્કૂલને પણ ટક્કર મારે તેવી છે.

અત્યારના આધુનિક યુગમાં ટેક્નોલોજી સાથે કદમે કદમ મિલાવીને ચાલવું ખુબજ જરૂરી છે. આ સદીમાં આધિનિક રીતે કોપ્યુટર, ટેબલેટ અને ડિજિટલ બોર્ડ સાથે શિક્ષણ આપવામાં આવે છે આ સાથે જ બાળકોને વધારે સારી રીતે સમજાવવા માટે વિડિયોનો ઉપયોગ થાય છે. આધુનિક પદ્ધતિથી અભ્યાસ કરવાનું બાળકોને પણ ગમે છે.

અમરેલી જિલ્લામાં આવેલી જિલ્લા શિક્ષણ સમિતિ હેઠળની શાળાઓના ખસ્તાહાલ છે. આ શાળાઓમાં બ્લેકબોર્ડ દ્વારા તથા વાંચી લખીને ભણાવવામાં આવે છે. ત્યારે અમરેલીના જાળીયા ગામમાં આવેલી સરકારી શાળાના શિક્ષકોએ પોતાની મહેનતથી આ શાળાને જૂની શાળામાંથી આધુનિક શાળા બનાવી છે જેના હાલ દરેક જગ્યાએ વખાણ થઇ રહ્યા છે.

શાળાના આચાર્ય આશિષભાઇ મહેતા છે. તેમણે ચાર્જ સાંભળ્યા બાદ બાબા આદમ વખતની પદ્ધતિથી ચાલતી આ શાળાની કાયાપલટ કરી છે. 125 વર્ષ જૂની આ શાળા આધુનિક સાધનો અને આધુનિક પદ્ધતિથી ચાલે છે. ત્યારે આ શાળા હવે સ્માર્ટ સ્કૂલ બની ગઈ છે. આ શાળામાં ડિજિટલ બોર્ડ છે જેમાં વિડીયો અને ઓડિયો દ્વારા શિક્ષણ આપવામાં આવે છે.

અમરેલી જિલ્લાની આ શાળા પાસે ખર્ચ માટે પોતાની 10 વિધા જમીન પણ છે. જેમાં ખેતી કરીને શાળાના ખર્ચની જોગવાઈ કરાઈ છે. જાળીયાની આ શાળામાં ઘણી બધી સવલતો છે. આ શાળામાં ડિજિટલ બોર્ડ છે. જેની મદદથી વિદ્યાર્થીઓને સારું શિક્ષણ મળી રહે છે. આ ઉપરાંત શાળામાં 20 કોમ્પ્યુટર સાથેની લેબ પણ છે જેથી બાળકોનું કમ્પ્યુર વિશેનું જ્ઞાન પણ વધે.

શાળામાં એક મોટી લાઈબ્રેરી છે તો દરેક ક્લાસમાં પણ લાઈબ્રેરી છે. આ શાળામાં ઘણી બધી સવલતો છે. જેમકે ડિજિટલ ક્લાસ, થ્રિડી થિયેટર, સાયન્સ લેબમાં વિજ્ઞાનનું પ્રેક્ટિકલ શિક્ષણ, પાણીના સંગ્રહ માટે શાળામાં 22 હજાર લિટરનો ભૂગર્ભ ટાંકો પણ છે. આ ઉપરાંત હાજરી પૂરતી વખતર બાળકોને યસ સર બોલવાનું પણ નહીં આ માટે સ્પેશ્યલ થમ્બ હાજરી મશીન છે જેનાથી હાજરી પુરાય જાય. આ સાથે જ શાળા પાસે કાર્યક્રમનું આયોજન કરવા માટે કોમ્યુનિટી હોલ પણ છે.

અમરેલીના જાળીયા ગામની આ શાળા 125 વર્ષ જૂની છે. આ શાળાને ગુણોત્સવમાં ડી ગ્રેડ મળતા શિક્ષાઓએ શાળાની કાયાપલટ કરવાનું નક્કી કરી લીધું હતું. ડી ગ્રેડ મળતાની સાથે જ શાળાના વિકાસના કાર્યો શરૂ કરાયા અને આજે આ એ ગ્રેડ સાથે જિલ્લાની ગ્રામ્ય વિસ્તારની આદર્શ સરકારી શાળા બની ગઈ. આ શાળાની દરેક જગ્યાએ ચર્ચાઓ ચાલી રહી છે.

Leave a Reply

Your email address will not be published.